Maxfiylik siyosati

Kuchga kirgan sana: 2026-yil 1-noyabr

Ushbu siyosat Shajaram (shajaram.uz sayti va Android / iOS mobil ilovasi, keyingi o'rinlarda «Xizmat») qanday ma'lumotlarni yig'ishi, ulardan qanday foydalanishi va ularni qanday himoya qilishini tushuntiradi. Xizmatdan foydalanib, siz ushbu siyosatga rozilik bildirasiz.

1. Qanday ma'lumotlarni yig'amiz

1.1. Siz o'zingiz bergan ma'lumotlar

  • Telefon raqami — hisobga kirish (parolsiz, bir martalik kod orqali) va sizni shajaralarda tanish uchun.
  • Ism va familiya, ixtiyoriy ravishda email va profil surati.
  • Sozlamalar — til, mavzu (yorug' / qorong'i), maxfiylik va bildirishnoma sozlamalari.
  • Murojaatlar — «Muammo haqida xabar berish» orqali yuborgan matningiz.

1.2. Shajaraga kiritiladigan ma'lumotlar

Siz va shajarangizdagi hamkorlaringiz qarindoshlar haqida quyidagilarni kiritishingiz mumkin: ism, familiya, qizlik familiyasi, jins, tug'ilgan va vafot sanalari, millat, izoh, surat, telefon raqami hamda qarindoshlik va nikoh bog'lanishlari. Shuningdek oilaviy albom suratlari va «O'sish yilnomasi» (bolaning yillar davomidagi suratlari) ham saqlanadi.

Boshqa odam haqida ma'lumot kiritayotganda, buning uchun asosingiz borligiga (masalan, uning yoki uning qonuniy vakilining roziligi bor) siz javob berasiz. Shajaraga kiritilgan har qanday odam 7-bo'limdagi tartibda o'zi haqidagi ma'lumotni o'zgartirish yoki o'chirishni so'rashi mumkin.

1.3. Avtomatik yig'iladigan ma'lumotlar

  • Qurilma ma'lumotlari — qurilma modeli va operatsion tizim versiyasi (masalan, «Xiaomi Redmi Note 12 · Android 14»). Ular «Faol qurilmalar» ro'yxatini ko'rsatish va kirishlarni boshqarish uchun kerak.
  • Push-token — bildirishnoma yuborish uchun qurilma identifikatori (faqat siz bildirishnomalarga ruxsat bersangiz).
  • Xatolar jurnali — ilovadagi texnik xato matni, ilova versiyasi va qaysi sahifada yuz bergani. Undan faqat xatolarni tuzatish uchun foydalanamiz.
  • Ilova versiyasi — yangilanish kerakligini aniqlash uchun.
  • Sayt tashrif statistikasi — faqat saytning ochiq sahifalarida (bosh sahifa, kirish, ro'yxatdan o'tish, maxfiylik siyosati) va faqat tizimga kirmagan mehmonlar uchun: qaysi sahifa ochilgani, qayerdan kelingani (masalan, qidiruv tizimidan), brauzer va qurilma turi, taxminiy mamlakat / shahar. Buning uchun Google Analytics cookie fayllaridan foydalanadi. Tizimga kirganingizdan keyin, Xizmat ichida (shajara, a'zolar, suratlar), mobil ilovada va Telegram'da statistika yig'ilmaydi; ism, telefon raqami yoki shajara ma'lumotlari yuborilmaydi. Cookie fayllarini brauzer sozlamalarida o'chirib qo'yishingiz mumkin.

Biz reklama identifikatorlarini yig'maymiz, joylashuvingizni kuzatmaymiz, kontaktlaringiz ro'yxatini o'qimaymiz va sizni boshqa ilova yoki saytlarda kuzatmaymiz.

Kontaktlar. Telefon raqamini kontaktlardan tanlaganingizda, tizim oynasi ilovaga faqat siz tanlagan bitta raqamni beradi. Kontaktlar ro'yxatiga ruxsat so'ralmaydi.

Kamera va galereya. Ular faqat siz surat olsangiz yoki tanlasangiz ishlatiladi. Ilova ovoz yozmaydi.

2. Ma'lumotlardan nima uchun foydalanamiz

  • Hisobingizni yaratish, kirishni tasdiqlash va xavfsizligini ta'minlash.
  • Oilaviy shajarani qurish, ko'rsatish va hamkorlar bilan birgalikda yuritish.
  • Qarindoshlaringizga siz yuborgan taklif va tabriklarni yetkazish.
  • Siz uchun bildirishnoma yuborish: qo'shilish so'rovlari, tug'ilgan kunlar, yangi suratlar va hokazo.
  • Oilaviy kalendarni ko'rsatish (tug'ilgan kunlar, nikoh yilliklari, xotira kunlari).
  • Xizmatni barqaror ishlatish, xatolarni tuzatish va murojaatlaringizga javob berish.

Ma'lumotlaringizni sotmaymiz, reklama uchun ishlatmaymiz va reklama tarmoqlariga bermaymiz.

3. Ma'lumotlaringizni kim ko'radi

Telefon raqami boshqa foydalanuvchilarga ko'rsatilmaydi. Uni faqat raqamni kiritgan odam va raqam egasining o'zi ko'radi.

Ism, jins, qarindoshlik bog'lanishlari va tirik / vafot holati shajarani tushunish uchun zarur, shuning uchun Xizmatdagi foydalanuvchilarga ko'rinadi.

Familiya, surat, sanalar, millat, qizlik familiyasi va izoh kimga ko'rinishini maxfiylik sozlamalari orqali shajara egasi belgilaydi. Darajalar:

DarajaKim ko'radi
HammaTizimga kirgan har qanday foydalanuvchi
Faqat yilHammaga faqat yil, shajara a'zolariga to'liq sana
Shajara a'zolariShajara hamkorlari va bog'langan shajaralar a'zolari
Egasi va oilaShajara egasi, odamning o'zi va uning turmush o'rtog'i
Faqat menFaqat siz

Shajaralar ochiq internetda e'lon qilinmaydi va qidiruv tizimlariga berilmaydi. Ularni faqat Xizmatga kirgan foydalanuvchilar yuqoridagi qoidalar doirasida ko'radi.

Rad etish huquqi. Kimdir raqamingizni o'z shajarasiga kiritgan bo'lsa, siz taklifni rad etib, «Boshqa hech qaysi shajaraga taklif kelmasin» sozlamasini yoqishingiz mumkin. Shunda raqamingiz uni kiritgan barcha shajaralardan olib tashlanadi.

4. Uchinchi tomon xizmatlari

Xizmatni ko'rsatish uchun quyidagi provayderlardan foydalanamiz. Ular ma'lumotni faqat o'z vazifasini bajarish uchun oladi:

ProvayderNima uchunQanday ma'lumot
Google Firebase Cloud Messaging (Google LLC)Push bildirishnomalarPush-token, bildirishnoma matni
Apple Push Notification service (Apple Inc.)iPhone'ga bildirishnomaPush-token, bildirishnoma matni
Eskiz (eskiz.uz)Tasdiqlash kodi va siz yuborgan taklif SMS'iTelefon raqami, SMS matni
Telegram (Telegram Messenger Inc.)Telegram bot orqali kod, taklif va tabrik (faqat botni o'zingiz ulagan bo'lsangiz)Telegram ID, xabar matni
Google Analytics (Google LLC)Saytning ochiq sahifalari tashrif statistikasi (faqat tizimga kirmagan mehmonlar)Ochilgan sahifa, kelgan manba, brauzer va qurilma turi, taxminiy joylashuv, cookie identifikatori
Server ijarasi (hosting) provayderiServer va ma'lumotlar bazasiXizmatdagi barcha ma'lumotlar

Bundan tashqari, ma'lumot faqat qonun talab qilgan hollarda, vakolatli davlat organlarining qonuniy so'roviga ko'ra beriladi.

5. Ma'lumotlar qayerda va qancha saqlanadi

Ma'lumotlar biz ijaraga olgan himoyalangan serverda saqlanadi. Suratlar ham shu serverdagi, o'zimiz boshqaradigan fayl omborida turadi.

Ma'lumotlar hisobingiz faol bo'lgan davr mobaynida saqlanadi:

  • Hisob o'chirilganda ism, email va profil surati darhol o'chiriladi. Siz egasi bo'lgan shajaralar barcha a'zolari va suratlari bilan birga o'chadi.
  • Boshqalarning shajaralarida siz haqingizdagi yozuv qoladi, chunki u o'sha oilaning ma'lumoti. Lekin u hisobingizga bog'lanmaydi.
  • O'chirilgan suratlar avval savatga tushadi va 30 kundan keyin (Premium'da 365 kundan keyin) butunlay o'chiriladi.
  • Server loglari 30 kungacha saqlanadi. Xatolar jurnali xatoni tuzatish uchun kerakli muddat davomida saqlanadi.

6. Xavfsizlik

  • Ilova va server orasidagi barcha aloqa shifrlangan (HTTPS).
  • Kirish parolsiz amalga oshadi: har safar telefoningizga bir martalik kod yuboriladi.
  • Kirish kaliti telefoningizning himoyalangan xotirasida (iOS Keychain / Android Keystore) saqlanadi. U boshqa qurilmaga yoki zaxira nusxaga ko'chirilmaydi.
  • Profilning «Faol qurilmalar» bo'limida hisobingizga kirgan qurilmalarni ko'rishingiz va istalganini chiqarib yuborishingiz mumkin.

7. Huquqlaringiz

Siz istalgan vaqtda:

  • Ma'lumotlaringizni ko'rish va tuzatish mumkin — Profil va shajara sahifalarida.
  • Kim ko'rishini cheklash mumkin — Profil → Maxfiylik.
  • Takliflarni o'chirib qo'yish mumkin — Profil → Shajara takliflari.
  • Bildirishnomalarni o'chirish mumkin — Profil yoki telefon sozlamalari orqali.
  • Hisobni o'chirish mumkin:
    • Ilovada: Profil → Hisobni o'chirish. Raqamingizga yuborilgan kod bilan tasdiqlaysiz, hisob darhol o'chadi.
    • Saytda: shajaram.uz → Profil → Hisobni o'chirish.
    • Ilovaga kira olmasangiz: shajaram.uz/delete-account sahifasida so'rov qoldiring (telefon raqam, ism, familiya, sabab) yoki info@shajaram.uz manziliga hisobga ulangan raqamdan yozing. So'rovni 30 kun ichida bajaramiz.
  • Boshqa birov shajarasiga kiritilgan ma'lumotingizni o'chirishni so'rash mumkin: shu manzilga yozing, shajara egasi bilan birga ko'rib chiqamiz.

8. Bolalar

Xizmatda hisob ochish 16 yoshdan katta foydalanuvchilar uchun mo'ljallangan. Bolalar haqidagi ma'lumotlar (ism, tug'ilgan sana, «O'sish yilnomasi» suratlari) shajaraga ota-onasi yoki boshqa oila a'zolari tomonidan kiritiladi. Bunday ma'lumotlarni «Faqat men» yoki «Egasi va oila» darajasida saqlashni tavsiya qilamiz.

9. Siyosatdagi o'zgarishlar

Siyosat o'zgarsa, yangi matn shu sahifada e'lon qilinadi va yuqoridagi sana yangilanadi. Muhim o'zgarishlar haqida ilova orqali xabar beramiz.

10. Aloqa

Maxfiylik bo'yicha savol va so'rovlar: info@shajaram.uz